Тус арга хэмжээг нээж аймгийн Засаг даргын орлогч Ц.Буманбуян хэлсэн үгэндээ: Өнгөрсөн 2 жил хүн амын дунд Ковид 19 цар тахал голомтлон тархсан амаргүй хүнд цаг үед өргөсөн тангарагтаа үнэнч байж, иргэдийнхээ эрүүл мэндийг сахин хамгаалах үйлст цаг наргүй ажиллаж эм, эмнэлгийн хэрэгслээр тасралтгүй хангаж байсан эм зүйн салбарын мэргэжилтэн, ажилтан, албан хаагчдад чин сэтгэлийн талархал илэрхийлсэн юм. Энэ үеэр хүн амын эрүүл мэндийг хамгаалах үйлс, аймаг орон нутгийхаа хөгжил дэвшилд үнэтэй хувь нэмэр оруулсан салбарын шилдэг мэргэжилтэн, ажилтнуудад шагнал гардууллаа.