УИХ-ын гишүүн Н.Энхболд, аймгийн ИТХ-ын дарга Ц.Жамбалсүрэн, Засаг даргын орлогч Г.Сурмаа, Засаг даргын орлогч Ц.Буманбуян, БНСУ-ын Пёнтек хотын дарга Жон Жансон тэргүүтэй албаны бүрэлдэхүүн аймаг, хотын хамтын ажиллагааны өнөөгийн түвшинг тодорхойлох томоохон бүтээн байгуулалт болох аймгийн “Нийтийн номын сан”-ийн засвар шинэчлэлтэй танилцаж, нээлтийн арга хэмжээнд оролцлоо. Эдүгээ Төв аймаг, тэр дундаа Зуунмод хотын сурагч, хүүхэд багачууд, залуус, номонд дуртай хүн бүхний ирэх дуртай газар болсон уг томоохон бүтээн байгуулалтад 1.2 тэрбум төгрөгийг зарцуулсан бөгөөд Пёнтек хотоос 920 сая төгрөгийг шийдвэрлэсэн билээ. Их зохиолч Д.Нацагдоржийн нэрэмжит аймгийн "Нийтийн номын сан"-д БНСУ-ын Пёнтек хотын нэрэмжит өрөө бий. Энэ үеэр аймаг, хотын нийтийн номын сангийн удирдлагууд хамтран ажиллах "Санамж бичиг" үзэглэсэн бол Пёнтек хотын зүгээс Зуунмод хотын авьяаслаг хүүхэд, багачуудад дурсгалын зүйл хадгалуулсан юм.

Мөн Төв сайхан нутгийн ирээдүй болсон хүүхэд багачуудад оюуны томоохон хөрөнгө оруулалт хийхэд дэмжлэг туслалцаа үзүүлсэн БНСУ-ын Пёнтек хотын дарга Жон Жансонд аймгийн "Хүндэт тэмдэг" гардууллаа.