Монгол Улсын Их Хурлын Тамгын газар, Швейцарын хөгжлийн агентлагаас хамтран хэрэгжүүлж буй Монгол Улсад Төлөөллийн байгууллагыг бэхжүүлэх нь төслийн II үе шат (2021.08.01-2023.12.31) амжилттай хэрэгжиж байна.
МУТББ II төсөл нь “Монгол Улсад парламентын ардчиллыг бэхжүүлэх нь”, “Нутгийн өөрөө удирдах байгууллагын институцын чадавхыг бэхжүүлэх” дэд төслүүдээс бүрддэг.
УИХ-ын 2019-2024 оны стратеги төлөвлөгөөнд Ерөнхий боловсролын сургуулийн сурагчид, их дээд сургуулийн оюутан залуус
т зориулсан “Парламентын боловсролын хөтөлбөр” боловсруулж, сургуулиудын сургалтын хөтөлбөрт багтаан хэрэгжүүлэх бодлогын зорилтыг дэвшүүлсэн байдаг.
Дээрх ажлын хүрээнд УИХ-ын Тамгын газар, “Монгол Улсад парламентын ардчиллыг бэхжүүлэх нь” төслийн хамтарсан баг орон нутагт ажиллаж “Парламентын боловсрол” хөтөлбөр, “D-paliament” төслийг танилцуулах уулзалтыг зохион байгуулж байна.
Уулзалтыг аймгийн ИТХ-ын ажлын алба, аймгийн ЗДТГ-ын албан хаагчид, ЕБС-уудын нийгмийн ажилтан болон түүх, нийгмийн ухааны багш нар, “Өсвөрийн парламент” хөтөлбөрт оролцсон сурагчид, ЕБС-ын 11-р ангийн сурагчдыг хамруулан хэсэгчлэн зохион байгууллаа.
