Эх орончдын өдөр, Монгол ардын нам үүсэн байгуулагдсаны 101 жил, Ховд аймгийн Монгол ардын нам үүсэн байгуулагдсаны 99 жилийн ойн баярыг тохиолдуулан Галдан бошигт хаан, Ард Аюушийн хөшөөнд цэцэг өргөх ёслол боллоо.
Мөн Ховд аймгийн Төр захиргаа, эрүүл мэнд, боловсрол, соёл урлаг, батлан хамгаалах, дэд бүтэц, газар тариалан, нийтийн тээвэр, хөдөө аж ахуйн салбар болон хувийн хэвшилд олон жил идэвхи зүтгэл, үр бүтээлтэй ажиллаж, аймаг, орон нутгийнхаа бүтээн байгуулалт, хөгжил цэцэглэлтэд үнэтэй хувь нэмэр оруулсан нэр бүхий иргэдийг Монгол Улсын Ерөнхийлөгчийн зарлигаар Төрийн дээд одон медалиар шагнасныг өнөөдөр гардуулав.
Тухайлбал, Хөдөлмөрийн гавьяаны улаан тугийн одонгоор 10, Алтан гадас одонгоор 28, Хөдөлмөрийн хүндэт медалиар 7 хүн энгэрээ мялаасан юм. Энэхүү баярын үйл ажиллагаа өнөөдөр үндэсний бөхийн барилдаанаар үргэлжилнэ.
