Увс нутгийнхаа нийт ард иргэд, аж ахуйн нэгжийн ажилтан, албан хаагчдад ХVII жарны “Буян үйлдэгч” хэмээх усан бар жилийн мэндийг хүргэн, мэндчилье.

Та бүхнийг ДЭМБ, Монгол Улсын эрүүл мэндийн яам, УОК, аймгийн онцгой комиссоос гаргасан заавар зөвлөмжийг дагаж, Монгол түмнийхээ сар шинийн баярыг нийтийг хамарсан өргөн хүрээнд тэмдэглэхгүй, албан газар, аж ахуйн нэгжийн золголт хийхгүйгээр “гэр гэртээ тэмдэглэж, цахим золголт хийх”-ийг уриалж байна.

Дэлхий нийтээр тархсан цар тахлын шинэ хувилбаруудаас өөрсдийгөө болон бусдыг хамгаалахын тулд ард иргэд та бүхэн ухаалгаар хандаж, бие биедээ хүндэтгэлтэй, хүлээцтэй тайван байж, онцын шаардлагагүй бол гадуур явахгүй, орж гарсан үедээ маскаа зүүж, гараа тогтмол угааж, ариутгаж, хувийн ариун цэврийг сахиж, халдвар хамгааллын дэглэмийг мөрдөж ажиллахыг хүсье.