Монгол Улсын Их Хурлын Тамгын газар, НҮБ-ын Хөгжлийн хөтөлбөр, Швейцарын Хөгжлийн агентлагаас хамтран хэрэгжүүлж буй "Нутгийн өөрөө удирдах байгууллагын чадавхыг бэхжүүлэх нь" төслийн хүрээнд сумдын иргэдийн Төлөөлөгчдийн хурлын Төлөөлөгчдийн суурь сургалтыг аймгийн ИТХ-ын ажлын албанаас эхний өдрөө амжилттай зохион байгуулж дууслаа. Өнөөдрийн буюу 2021-04-30-ны өдрийн сургалтанд Арбулаг, Алаг-Эрдэнэ, Баянзүрх, Бүрэнтогтох сумдын ИТХ-ын дарга, нарийн бичгийн дарга, Төлөөлөгч нар хамрагдлаа. Сургалтаар Нутгийн удирдлагын Эрхзүйн үндэс, Засаг захиргаа, нутаг дэвсгэрийн нэгж, түүний удирдлагын тухай хууль, Захиргааны ерөнхий хууль, орон нутгийн төсвийн удирдлага, Байгаль орчин, газрын харилцаа сэдвээр мэдээлэл өглөө.
