Монгол улсын Засгийн газрын болон аймаг, сумын Засаг даргын үйл ажиллагааны хөтөлбөрийг хэрэгжүүлэх, сум, орон нутгийн эдийн засаг, нийгмийн хөгжилд онцгой ахиц дэвшил гарган 2020 оны ажлаараа тэргүүлсэн албан байгууллагуудын шагналыг өнөөдөр /2021.02.10/ аймгийн ИТХ-ын дарга Г.Пүрэвганди, аймгийн Засаг дарга Б.Дүгэржав, аймгийн Засаг даргын Нийгмийн бодлого хариуцсан орлогч дарга Т.Дэлгэрсайхан нар гардуулан өгч баяр хүргэлээ.
Учран золгож буй Цагаагчин Үхэр жилийн сар шинийн босгон дээр Б.Алтанбадралт даргатай Баруун бүсийн төв-Ховд аймгийн Онцгой байдлын газрын хамт олон 2020 оны ажлаараа аймагтаа тэргүүлсэн бол Л.Билэгдэмбэрэл даргатай Хөдөлмөр, халамжийн үйлчилгээний газрын хамт олон дэд байранд, Д.Батцэнгэл даргатай Мал эмнэлгийн газрын хамт олон гутгаар байранд шалгарсан байна.
