УИХ-ын Төрийн байгуулалтын байнгын хороо, УИХ-ын Тамгын газраас хамтран Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн шинэчилсэн найруулгын төслийн цахим хэлэлцүүлгийг зохион байгууллаа.

Хэлэлцүүлэгт УИХ-ын гишүүд болон аймаг, нийслэлийн ИТХ-ын дарга, Засаг дарга, Тэргүүлэгчид оролцож хуулийн төсөлтэй холбогдуулан асуулт асууж, саналаа илэрхийллээ.

Хэлэлцүүлгийг УИХ-ын гишүүн, Нутгийн удирдлагын дэд хорооны дарга Ё.Баатарбилэг, Хуулийн төслийн ажлын хэсгийн дарга, УИХ-ын гишүүн Ж.Сүхбаатар, УИХ-ын ТББХ-ны дарга Л.Энх-Амгалан нар удирдан явуулсан бөгөөд дээрх хуулийн шинэчилсэн найруулгын төсөл батлагдвал түүнтэй уялдуулан нийт 300 орчим хуулинд нэмэлт өөрчлөлт орохоор төлөвтэй байгаа юм байна.