Улсын онцгой комиссын шийдвэрээр бүх нийтийн бэлэн байдлын зэрэгт шилжүүлсний дагуу аймгийн иргэдийн Төлөөлөгчдийн Хурлын ээлжит бус II хуралдааныг цахим хэлбэрээр зохион байгуулагдлаа /2020.11.13/.

Хуралдаанаар Увс аймгийн ИТХ-ын анхдугаар хуралдаанаас аймгийн Засаг даргаар томилуулахаар нэр дэвшүүлсэн Ч.Чимэдийг аймгийн Засаг даргаар томилохоос татгалзаж байгаа албан бичиг ирсэнтэй холбогдуулан аймгийн Засаг даргад дахин нэр дэвшүүлэх тухай асуудлыг хэлэлцэж Ч.Чимэдийг хуралдаанд оролцсон төлөөлөгчдийн 75 хувийн саналаар дахин аймгийн Засаг даргаар томилуулахаар Монгол Улсын Ерөнхий сайдад уламжиллаа.

Аймгийн ИТХ-ын энэ удаагийн хуралдаан нь бүх нийтийн бэлэн байдлын зэрэгт шилжсэн онцгой нөхцөл байдалд 100 хувь онлайнаар зохион байгуулагдсанаараа онцлог хуралдаан боллоо.