Мөрөн сумын Ерөнхий боловсролын "Титэм" сургуулийн С.Түмэнцагаан багштай 5В ангийн сурагчид өөрсдийн үздэг "Хүн-нийгэм" хичээлийн хүрээнд Аймгийн Иргэдийн төлөөлөгчдийн хурлын үйл ажиллагаатай танилцлаа. Хурлын байгууллага гэж ямар байгууллага болох, ямар үйл ажиллагаа явуулдаг, хэрхэн сонгогдож, шийдвэр гаргах үйл явц яаж явагддаг талаар ойлголттой болж өөрсдийн сонирхсон асуултанд хариулт авлаа. Аймгийн ИТХ-ын үйл ажиллагаа нь иргэд олон нийтэд нээлттэй явагддаг бөгөөд байгууллагын үйл ажиллагаатай танилцахыг хүссэн хүн бүхний өмнө нээлттэй байдаг.