Аймгийн ИТХ-ын төлөөлөгч, Тэргүүлэгч Б.Сүх-Очир, ажлын албаны мэргэжилтэн Ж.Сорог нар Тариалан суманд ажиллаж,  2019 онд тус суманд хийгдэж байгаа барилга байгууламж, төсөл арга хэмжээний гүйцэтгэлтэй газар дээр нь танилцлаа.

           Аймгийн ИТХ-ын 2018 оны 12-р сарын 04-ны өдрийн хуралдаанаар баталсан “Аймгийн эдийн засаг нийгмийг 2019 онд хөгжүүлэх  үндсэн чиглэл”-ийн хүрээнд Тариалан суманд нийтдээ 2 тэрбум 355 сая төгрөгний хөрөнгө оруулалт бүтээн байгуулалтын ажил хийгдэж байна. Үүнд:

1. Тариалан сумын ахмадын байр, ХБИ-ийн  байрны халаалт, тохижилтын ажил – 50 сая
2. Тариалан сумын ЭМТ-д шаардлагатай тоног төхөөрөмж авах /Эхо аппарат/ - 40 сая
3. Тариалан сумын 240 хүүхдийн цэцэрлэгийн барилгыг шинээр барих ажлыг эхлүүлэх /Төсөвт өртөг 2,2 тэрбум/ - энэ онд санхүүжих дүн 400 сая
4. Сумын төвийн тохижилтын ажил – 20 сая
5. Тариалан сумын ЗДТГ-ын автомашины парк шинэчлэлт – 40 сая
6. Сумдад онлайн хурал зохион байгуулах зориулалт бүхий техник, тоног төхөөрөмжөөр хангах – 5 сая

         Мөн үеэр сумын төсөвт байгууллагуудын үйл ажиллагаатай танилцаж, өвөлжилтийн бэлтгэл ажил, цаашид анхаарах асуудлуудын талаар харилцан санал солилцлоо.