УИХ-ын Тамгын газар, Швейцарийн хөгжлийн агентлаг, НҮБ-ын Хөгжлийн хөтөлбөр хамтран 2013-2016 онд хэрэгжүүлсэн "Нутгийн өөрөө удирдах байгууллагын чадавхыг бэхжүүлэх нь" төслийн дараагийн үе шат болох "Монгол Улс дахь Төлөөллийн байгууллагыг бэхжүүлэх нь" /2017-2020/ төслөөс зарласан тэтгэлэгт уралдаанд Увс аймгийн Өндөрхангай сумын “ЗӨВ БОДЛОГО-ЗАЛУУЧУУДЫН ОРОЛЦОО” төсөл шалгарч тэтгэлэгт хамрагдсан билээ.

Дээрх төслийн хүрээнд хийгдэх томоохон ажлуудын нэг болох Өндөрхангай сумын залуучуудын чуулга уулзалтыг 2019 оны 10-р сарын 09-ний өдөр "Залуучуудын оролцоо, манлайлал" сэдвийн дор зохион байгууллаа.

Чуулга уулзалтаар сумын Залуучуудын хөгжлийн дэд хөтөлбөрийн 2 дахь шатны хэлэлцүүлэг хийж хөтөлбөрөө сумын ИТХ- ын тэргүүлэгчдийн хуралд өргөн барих мөн нийгмийн амьдралд залуучуудын манлайлал, оролцоог нэмэгдүүлэх, гэмт хэргээс урьдчилан сэргийлэх, хүүхэд бол бидний толь зэрэг сургалт, мэдээллүүд хийгдсэн үр дүнтэй чуулга уулзалт болж өндөрлөлөө.