Ерөнхий сайд У.Хүрэлсүх Хөвсгөл аймагт ирлээ. Монгол Улсын
Ерөнхий сайд У.Хүрэлсүхийг хүлээн авах ёслолын ажиллагаа Чингүнжавын
талбайд боллоо. Ерөнхий сайд У.Хүрэлсүх 9-р сарын 23-24 өдрүүдэд Хөвсгөл
аймагт ажиллана. Энэ хугацаанд Хөвсгөл аймгийн иргэдтэй уулзалт хийж,
Мөрөн сумын 1-р цэцэрлэг, Нэгдсэн эмнэлэг, “Хөвсгөл дулааны станц”
ТӨХК зэрэг байгууллагуудын үйл ажиллагаатай танилцаж, Монгол цэргийн
нэгдсэн холбооны болон “Хүчээ нэгтгэе”1000 залуучуудын чуулга уулзалт,
арга хэмжээнүүдэд оролцоно. МУ-ын Ерөнхий сайд У.Хүрэлсүхийг Хөвсгөл
аймагт ажиллах үед дагалдан явах ажлын хэсэгт УИХ-н дэд дарга
Л.Энх-Амгалан, Нийгмийн Хөдөлмөр хамгааллын сайд С.Чинзориг, Эрчим
хүчний сайд Ц.Даваасүрэн, Эрүүл мэндийн сайд Д.Сарангэрэл, УИХ-ын гишүүн
Л.Мөнхбаатар, ЗГХЭГ-ын мэргэжилтнүүд, хэвлэл мэдээллийн албаныхан,
Ерөнхий сайдын хамгаалалт, үйлчилгээний ажилчид, Хэвлэл мэдээллийн
байгууллагуудын төлөөлөл зэрэг 30 гаруй хүний бүрэлдэхүүнтэй ажиллаж
байна.