2019 онд орон нутгийн хөгжлийн сангийн хөрөнгө оруулалт 9 тэрбум төгрөгөөр Улаангом сумын 4, 5, 6, 7, 11-р багууд дээр дулаан бохир усны шугамын ажил хийгдэхээр болсон. Тус ажил гүйцэтгэгч компаниа тодруулж, гэрээ байгуулан ажлаа эхлүүлээд явж байна. аймгийн Засаг дарга Д.Батсайхан, ГХБХБГ-ын дарга Ц.Энхбаатар нараар ахлуулсан ажлын хэсэг бүтээн байгуулалтын ажлын явцтай танилцан, үүрэг чиглэл өгч тулгамдаж байгаа асуудлыг сонсож ярилцлаа. Ажлыг гүйцэтгэх явцад айлын хашаагаар шугам сүлжээ дайран өнгөрөх, барилга байгууламжийг буулгах зэрэг хүндрэлүүд гарч байгаа тул ард иргэдийг бүтээн байгуулалтын ажлыг дэмжиж, төртэй хамтран ажиллахыг уриалж байна.

Барилга угсралтын ажлыг 2019 оны 10-р сарын 15-аас 11-р сарын 01-ны хоооронд хүлээж авахаар ажиллаж байна.