Увс аймаг дахь “Дэглий цагаан” нисэх буудлын явгалах замын өргөтгөлийн ажлыг байнгын ашиглалтанд өнөөдөр хүлээн авлаа. Тус ажлыг Улсын төсвийн 500 сая төгрөгийн хөрөнгө оруулалтаар “Увс - АЗЗА” ТӨХК-ний гүйцэтгэсэн байна.

“Дэглий цагаан” нисэх буудлын явгалах замыг өргөтгөснөөр уг нисэх онгоцны буудлын хүчин чадал илүү сайжирч “3-C” ангиллын буюу 100 хүртлэх суудалтай онгоцыг хүлээн авахад ямар нэгэн саадгүй болж техникийн нөхцөл сайжирч байгаа юм.

Ингэснээр сүүлийн жилүүдэд Увс аймагт тасралтгүй өсөн нэмэгдэж байгаа гадаад дотоодын аялагчид, бизнесийн байгууллагууд болон хойд хөрш, азийн бусад улсуудын авиа компаниудаас ирж буй иргэний болон ачаа тээврийн захиалгат нислэгийг хөгжүүлж цаашид Олон улсын нисэх буудал болоход чухал нөлөө үзүүлэх юм.