Эмч нарын баг Мөрөн суманд мэдрэл, гэмтлийн үзлэг, оношилгоог нийт 500 орчим хүнд хийж, хэвтрийн хүнд өвчтэй 40 орчим айлаар орж үйлчилсэн байна. Үзлэгийн үеэр 15 сая орчим төгрөгийн эм тариагаар үнэ төлбөргүй үйлчилсэн бөгөөд ирэх жил дахин орон нутагт ирэхээр болжээ. Аймгийн Засаг дарга Л.Ганболд эрүүл иргэнтэй аймаг болох зорилт дэвшүүлэн Эрүүл мэндийн яам, УИХ-ын гишүүд, Хөвсгөл аймгийн Эрүүл мэндийн газар, Нэгдсэн эмнэлэгтэй хамтран тодорхой үе шаттай ажлуудыг төлөвлөн хэрэгжүүлж байгаа ажээ.