Олон Улсын Хөдөлмөрийн байгууллага
байгуулагдсаны 100 жил, Хөдөлмөрийн асуудал хариуцсан төрийн захиргааны
төв байгууллага байгуулагдсаны 60 жилийн ойн хүрээнд
“Хөдөлмөр нийгмийн хамгааллын салбарын нээлттэй хаалганы өдөрлөг “ 2019
оны 04 дүгээр сарын 30-ны өдөр улсын хэмжээнд зохион байгуулагдаж
байгаа бөгөөд энэхүү өдрийг манай аймагт 3 дахь жилдээ амжилттай зохион
байгууллаа.
Өдөрлөгийн
үеэр иргэдэд нэг цэгээс нийгмийн даатгал, хөдөлмөр эрхлэлт,
нийгмийн халамжийн үйлчилгээ, Гэр бүл, залуучуудын хөгжлийг дэмжих
үйлчилгээ мөн нарийн мэргэжлийн эмч нарын үзлэг, оношлогоо,
элэгний В, С вирусын шинжилгээ, сахарын шинжилгээ,
хөнгөлөлттэй эмийн үйлчилгээ зэрэг үйлчилгээг нэг дороос үзүүллээ.
Мөн мэргэжлийн боловсролын талаарх мэдээлэл, ахмад настны асрамж үйлчилгээний төвийн үйл ажиллагаатай танилцах, ажил зуучлах, идэвхтэй ажил хайгчаар бүртгүүлэх зэрэг нийгмийн хамгааллын үйлчилгээг 1 дороос үзүүлж, өөрийн болон гэр бүлийн гишүүдийнхээ өмнө тулгамдсан асуудлаа газар дээр нь шийдвэрлүүлэх боломжийг иргэдэд олгосон байна.
