МҮЭ-ийн холбоо, Хүний эрхийн Үндэсний Комисс, Мэргэжлийн хяналтын ерөнхий газар, ХБНГУ-ын Фридрих Эбертийн Сан, Хөвсгөл аймгийн ажил олгогч эздийн холбооны хамтарсан "ХӨДӨЛМӨРЛӨХ ЭРХ" сэдэвт бүсийн сургалт, арга хэмжээ 2019 оны 3 сарын 5-6-ны өдрүүдэд Хөвсгөл аймгийн Хатгал тосгоны Тойлогт амралтын газар зохион байгуулагдлаа.

   Сургалтанд хойд бүсийн аймгууд болох Булган, Дархан-Уул, Орхон, Хөвсгөл, Сэлэнгэ аймгуудын ҮЭ-ийн холбоо, зарим үндсэн нэгжийн ҮЭ-ийн хороодын дарга, идэвхтэн, сонгуультан, гишүүд мөн дээрх аймгууудад ажиллаж байгаа ХЭҮК-ын референтүүд болон МХГ-ын улсын байцаагч нар, сургалт зохион байгуулагч нар МҮЭХ-ны ерөнхий нарийн бичгийн дарга Г.Адъяа, ХБНГУ-ын ФЭС-гийн Монгол Улс дахь суурин төлөөлөгч Др. Нийлс Хегевиш, ХЭҮК-ын ахлах референт З.Өнөржаргал, МХЕГ-ын ХНХТХГ-ын дарга Л.Төгсбаяр тэргүүтэй нийт 75 хүн оролцлоо.

   Сургалтын үеэр Хөвсгөл аймгийн ИТХ-ын дарга, Хөвсгөл аймгийн Ажил олгогч эздийн холбооны тэргүүн Л.Төмөрбаатар аймаг орон нутгийн бодлого чиглэлийн талаар байр сууриа илэрхийлж сургалтанд оролцогчидод амжилт хүслээ.

   Сургалтын гол зорилго нь ҮЭ-ийн ажилтнууд, хүний эрхийн ажилтнууд, хөдөлмөрийн хяналтын улсын байцаагч нар хүний эрх, хөдөлмөлөх эрх, хөдөлмөрийн хяналтын чиглэлээр тулгамдаж буй асуудал, "Зөвлөмж"-ийн хэрэгжилтийн талаар мэдээлэл хийх, цаашид хамтран ажиллах чиглэлээ тодорхойлж, харилцан санал бодлоо солилцох, үйл ажиллагааны төлөвлөгөө гаргах явдал байлаа.