Хөвсгөл аймгийн ИТХ-ын ажлын албанаас сумдын ИТХ-ын үйл ажиллагаа, БИНХ-ын хийж гүйцэтгэлийн ажлын тайлан, зохион байгуулсан үйл ажиллагаанд үнэлэлт дүгнэлт өгч, байр эзлүүлэн шагнаж урамшуулдаг уламжлалтай. Энэ жилийн хувьд АИТХ-ын ажлын албанаас 23 сумдыг 2 хэсэгт хуваан 2018 онд сумын хурлаас зохион байгуулсан ажлыг дүгнэж, сумдын хурлууд бие биенээсээ туршлага судлах, санал бодлоо солилцох боломжийг бүрдүүлэн ажиллаж байна. 2018 оны үйл ажиллагаагаараа бусдыгаа манлайлсан 3 сумыг Нутгийн өөрөө удирдах байгууллагаар тодруулан маргааш зохион байгуулагдах Хөвсгөл аймгийн удирдах ажилтны зөвлөгөөн дээр шагналыг гардуулна.