Аймгийн төвүүдийг нийслэл хоттой хатуу хучилттай авто замаар холбох ажил үргэлжилж байна. Энэ оны аравдугаар сарын 30 гэхэд Өмнөговь, Хөвсгөл, Сүхбаатар аймгуудыг Улаанбаатар хоттой хатуу хучилттай авто замаар холбохоор Зам, тээврийн яам зам барилгын гүйцэтгэгч компаниудтай гэрээ байгуулсан билээ.

Саяхан Өмнөговь аймгийн авто замыг ашиглалтад хүлээж авсан. Харин энэ долоо хоногт Хөвсгөл аймгийн замыг ашиглалтад хүлээж авахаар хяналт тавин ажиллаж, ажил дуусах шатандаа ороод байна. Өнөөдрийн байдлаар Хөвсгөл аймгийн нийт 253 км замын 200 гаруй нь хучилт бүрэн хийгдсэн бөгөөд багахан хэмжээний замын хучилтын ажил үлдсэн байна.

Түүнчлэн Сүхбаатар аймгийг нийслэлтэй холбох замын ажил ч бүрэн хийгджээ.

Via Cardoctor.mn