Ардын засгийн ерөнхий сайд, шашин төрийн нэрт зүтгэлтэн Ц.Дамдинбазарын мэндэлсэний 140 жилийн ойг тохиолдуулан Хангайн бүсийн хурдан морины уралдаан "Хотгойд хурд-3" наадмын үеэр түүний хөшөөг Хөвсгөл аймгийн төв Мөрөн хотын төв цэцэрлэгт хүрээлэнд босгож байсан билээ. Тэгвэл түүний шавилан сууж байсан Бүрэнтогтох сумын Бүрэнхаан багт дээрхи хөшөөний багасгасан хувилбарыг 2014.10.01-ны өдөр босголоо. Уг ажлыг Жалханз Хутагт сан, Бүрэнтогтох сумын ЗДТГ, Дэлтэй цэнхэр МСУХолбоо хамтран зохион байгууллаа. Хөшөөний нээлтэнд нутгийн иргэд оролцсон бөгөөд аймгийн ИТХ-ын дарга Т.Болдбаатар нээж үг хэллээ. Энэ үеэр хүчит бөхийн барилдаан, бүсийн дааганы уралдаан зохиогдож 52 даага уралдсан байна.