Хөвсгөл аймгийн Цагаатгах ажлыг удирдан зохион байгуулах комиссоос санаачлан аймгийн Гандандаржаалин хийдтэй хамтран бүтээж буй суваргын гүйцэтгэлийн ажил дуусаад байна. Өнгөрсөн зууны гажуудлын томоохон хар мөр болон үлдсэн улс төрийн хилс хэрэгт хэлмэгдэн хохирсон олон мянган иргэний дурсгалыг хүндэтгэх, ирээдүй хойч үедээ сануулан үлдээх зорилгоор бүтээж буй уг суваргыг удахгүй нээх бөгөөд хэлмэгдэгсдийн ар гэр, үр хойчис уг ажлыг талархан дэмжиж байна.