Өнөөдөр эмэгтэйчүүдийн эсрэг хүчирхийлэл, ялангуяа жендэрт суурилсан хүчирхийлэл, гэр бүлийн хүчирхийлэл нь эрүүл мэнд, хүний эрх, үндэсний хөгжилд өргөн хүрээнд нөлөөлсөн нийгмийн хамгийн том тулгамдсан асуудал болоод байна. Тиймээс Нэгдсэн үндэсний байгууллагын Хүн амын сан, Швейцарын хөгжлийн агентлагийн дэмжлэгтэйгээр Үндэсний статистикийн хорооноос 2016 оны зургаадугаар сараас эхлэн Монгол дахь жендэрт суурилсан хүчирхийлэлтэй тэмцэх төслийг хэрэгжүүлж байгаа бөгөөд энэ хүрээндээ /2018.10.30/ аймгийн ЗДТГ-ын хурлын танхимд “Жендэрт суурилсан хүчирхийлэл” судалгааны үр дүнг танилцуулж цаашид хэрхэн хамтран ажиллах талаар ярилцлаа. Төслийн хүрээнд өнгөрсөн онд хийсэн судалгааг танилцуулсан бөгөөд сүүлийн 12 сарын байдлаар нийт судалгаанд хамрагдсан эмэгтэйчүүдийн дунд эдийн засгийн хүчирхийлэлд 12 хувь, бие махбодын болон бэлгийн хүчирхийлэлд 12,7 хувь, хүчирхийллийн аль нэг хэлбэрт 35 хувь нь өртсөн байжээ. Иймд энэ өдрийн семинараар дамжуулан судалгааныхаа үр дүнг аймгийн бодлого төлөвлөгч, боловсруулагч, шийдвэр гаргагч болон хэрэглэгч нарт танилцуулж цаашдын хамтын ажиллагаа, бодлогын зөвлөмжөө боловсрууллаа.
Хөвсгөл АЙМГИЙН ИТХ-ЫН ЦАХИМ ХУУДАС
Хөвсгөл АЙМГИЙН ИТХ-ЫН ЦАХИМ ХУУДАС
Нутгийн өөрөө удирдах байгууллага нь аймаг, нийслэл, сум, дүүрэгт тухайн нутаг дэвсгэрийн иргэдийн Төлөөлөгчдийн Хурал, баг, хороонд иргэдийн Нийтийн Хурал байна. Монгол Улсын Үндсэн хуулийн Тавин есдүгээр зүйлийн 2 дахь хэсэг Нутгийн өөрөө удирдах байгууллага нь аймаг, нийслэл, сум, дүүрэгт тухайн нутаг дэвсгэрийн иргэдийн Төлөөлөгчдийн Хурал, баг, хороонд иргэдийн Нийтийн Хурал байна. Монгол Улсын Үндсэн хуулийн Тавин есдүгээр зүйлийн 2 дахь хэсэг“Жендэрт суурилсан хүчирхийлэл” судалгааны үр дүнг танилцуулах семинар болов
2018-10-31
