Иргэдийн Төлөөлөгчдийн Хурлын Тэргүүлэгчдийн 2018.03.09-ний өдрийн 04 дүгээр тогтоолын дагуу “Төлөөлөгчдийн нэг өдөр” арга хэмжээг зохион байгуулсан бөгөөд сумын ИТХурлын Ажлын албанаас 2016 оноос хойш хийсэн ажлын талаар болон тойрогтоо ажилласан тэмдэглэлийн хүрээнд иргэдэд мэдээлэл хийж, санал бодлоо солилцож, санал хүсэлтийг нь хүлээн авч, асуултанд хариулт өгсөн байна.
Мөн энэ өдөр төсвийн байгууллагуудын Нээлттэй хаалганы өдөрлөг, Төлөөлөгчдийн урлагийн тоглолт, АХА, адуучин зэрэг тэмцээн уралдаан зохион байгуулагджээ. Танин мэдэхүйн АХА тэмцээнд 50 иргэн оролцсоноос Т.Цалигмаа тэргүүлсэн бол Д.Даваажаргал удаалжээ. Адуучин тэмцээнд 30 адуучин оролцсоноос Б.Батзаяа, Б.Пүрэвдорж нар бусдыгаа хошуучилсан байна.