Монгол улсын Засгийн газрын “Гурван тулгуурт хөгжлийн бодлого”, Дархан-Уул аймгийн ИТХ-ын Үндсэн чиглэл, Засаг даргын 2017-2020 оны үйл ажиллагааны хөтөлбөрт тусгагдсаны дагуу Аймгийн ИТХ-ын Тэргүүлэгчдийн хурлаар “Ухаалаг Дархан” дэд хөтөлбөрийг батлан өнгөрсөн оноос эхлэн хэрэгжүүлж байна. Тус хөтөлбөрийн хүрээнд Нэгдсэн эмнэлгийн амбулаторийн цахим бүртгэл, хөрөнгө оруулалт бүтээн байгуулалтын хяналтын систем, өргөдөл гомдол санал хүсэлтийн систем, хэрэглэгчийн үнэлгээний цахим системүүдийг үе шаттайгаар хэрэгжүүлж эхлээд байна. Эдгээр цахим системүүдийг нэвтрүүлснээр төрийн үйлчилгээний ил тод байдлыг хангаж, цахим үйлчилгээг хөгжүүлж байгаагаараа ач холбогдолтой юм.