Хөвсгөл аймгийн Засаг даргын захирамжаар Үндэсний Статистикийн хорооноос энэ оны 10 сард зохион байгуулах “Нийгмийн үзүүлэлтийн түүвэр судалгаа”-ны бэлтгэл ажлын хүрээнд “Хүн ам өрхийн мэдээллийн сангийн шинэчлэлт-2018” сарын аяныг аймгийн хэмжээнд эхлүүлэв.
    Аян нь “Хүн ам орон сууцны тооллого” явуулахын өмнө хүн ам, өрхийн бүртгэлийн хөдөлгөөнийг бүрэн хийж, мэдээллийн санг бэлтгэх” заалтын дагуу уг ажлын хэрэгжилт, статистикийн анхан шатны цуглуулж байгаа албан ёсны мэдээллийн хамралт, бодит байдалд үнэлгээ хийж тулгамдсан шийдвэрлэх зорилготой гэнэ. Сарын аяныг зохион байгуулснаар  багийн Засаг дарга нарын хүн ам, өрхийн мэдээллийн сангийн баяжилт нэмэгдэж, хувь хүн болон өрхийн засагдаагүй байсан алдаа засагдаж, “Нийгмийн түүвэр судалгаа”-ны нэрсийг бэлдэхэд бэлэн болох үр дүнд хүрэх ажээ.