Хөвсгөл аймгийн ИТХ-аар  “иргэндээ ээлтэй аймаг” хөтөлбөрийн хүрээнд хүүхдийн хоёр автобус худалдан авах хөрөнгийг 2014 оны орон нутгийн төсвийн тодотголд тусган баталж, худалдан авч Мөрөн суманд хүлээлгэн өгөх үйл ажиллагаа өнөө өглөө боллоо. Захын хорооллоос хичээлдээ явдаг хүүхдүүд, цөөхөн явдаг автобусыг хүлээн удаан зогсдог аж.

Тиймээс хүүхдүүдийн төлөөлөл аймгийн Засаг даргатай уулзах үеэр нийтийн тээврийн үйлчилгээний талаарх хүндрэлтэй байдлаа учирлаж байсан удаатай аж. Ийнхүү хүүхдүүдийн хүсэлтийг хүлээн авч хөрөнгийн эх үүсвэрийг шийдвэрлэснээр энэ хичээлийн жилээс хүүхдүүд стандартад нийцсэн автобусаар сурагчид хичээлдээ явах боллоо.