Аймгийн иргэдийн Төлөөлөгчдийн Хурлын
Тэргүүлэгчдийн ээлжит 9 дүгээр хурал хуралдаж тус хурлаар 8 асуудал хэлэлцэн
шийдвэрлэлээ. Үүнд:
Аймгийн иргэдийн Төлөөлөгчдийн Хурлын
ээлжит зургадугаар хуралдааныг хойшлуулах тухай асуудлыг хэлэлцэж
иргэдийн Төлөөлөгчдийн Хурлын Тэргүүлэгчдийн 2018 оны 05 дугаар сарын 09-ний өдрийн
ээлжит зургадугаар хуралдааны хэлэлцэх асуудал, тов зарлах тухай 67 дугаар
тогтоолыг хүчингүй болсонд тооцож, хуралдааныг хойшлууллаа.
Өмнөговь аймаг байгуулагдсаны 87 жилийн ой,
аймгийн баяр наадмыг 2018 оны 07 дугаар сарын 05, 06-ны өдрүүдэд зохион
байгуулахаар шийдвэрлэлээ.
Мөн
Өмнөговь аймгийн хог хаягдлын 2018-2020 оны менежментийн төлөвлөгөөг баталж,
улс, орон нутгийн төсвийн болон хувийн хэвшлийн хөрөнгө оруулалтаар хэрэгжүүлэх
барилга байгууламж, дэд бүтцийн бүтээн байгуулалтын ажлын жагсаалт баталсан
аймгийн иргэдийн Төлөөлөгчдийн Хурлын Тэргүүлэгчдийн 2018 оны 03 дугаар сарын
07-ны өдрийн Чиглэл өгөх тухай 34 дүгээр тогтоолын хавсралтад Ханбогд
сумын Оюу толгой дэд станцын өргөтгөл, шинэчлэлийн барилга угсралтын
ажлыг нэмж орууллаа.
Орон
нутгийн өмчит “Таван толгой” ХК-ийн цаг үеийн мэдээлэлтэй, Цагаан хадны
дахин төлөвлөлтийн мэдээлэлтэй танилцаж, орон нутгийн өмчийн тухай болон төрийн
шагналд иргэдийн тодорхойлох аймгийн иргэдийн Төлөөлөгчдийн хурлын шагналаар
шагнах тухай асуудлуудыг хэлэлцэн шийдвэрлэлээ.
