УИХ-ын тамгын газар, Швейцарын хөгжлийн агентлаг, НҮБ-ын хөгжлийн хөтөлбөрөөс хамтран хэрэгжүүлж буй "Нутгийн өөрөө удирдах байгууллагын чадавхийг бэхжүүлэх нь" төслийн хүрээнд Khural.mn сайтыг бий болгож буй бөгөөд Монгол орны бүх аймаг сумын ИТХ-ын дэд вэб сайт шинээр бий болж хоорондоо мэдээлэл, туршлага солилцох боломжийг бий болгож буйгаараа онцлогтой юм. Бүх аймаг дүүргийн хэвлэл мэдээллийн 2 ажилтныг оролцуулсан уг сургалтанд аймгийн ИТХ-ын ажлын албаны ажилтан Ц.Бэхбаяр, Н.Одбаатар нар оролцлоо. Дээрх 2 ажилтан сум тус бүрийн ИТХ-ын 1 ажилтныг мөн сургах юм. Ингэснээр Монгол улсын 21 аймаг, 330 сум, 9 дүүргийн иргэдийн хурлын үйл ажиллагааг иргэд олон нийт дээрхи цахим хаягаар дамжуулан танилцах, санал бодлоо илэрхийлэх боломж бүрдэж байна.