Хөвсгөл аймаг дахь Худалдаа аж үйлдвэрийн танхимаас жил бүр уламжлал болгон зохион байгуулдаг шилдэг бизнес эрхлэгчдийг тодруулдаг "Entrepreunuer-2017" ёслолын ажиллагааны шилдгүүдийн тугийг хүндэтгэлийн индэрт залах ёслол 2018-04-09-ний өдөр боллоо.
    Тус ёслолд орон нутгийнхаа нийгэм, эдийн засгийн хөгжилд бодитой хувь нэмэр оруулж байгаа аж ахуйн нэгж, байгууллагууд, бизнес эрхлэгчдийг шалгаруулан 11 номинациар тодруулжээ. Шилдэг Гранпри цомын эзнээр "Бүтэн оргил" ХХК шалгарсан бол, нийгмийн хариуцлагыг хэрэгжүүлэгчээр Шинэ-Идэр сумын "Дулаан Эрдэнэт" компани, оны шилдэг экспортлогчоор Мах маркет, шилдэг хэвлэл мэдээллийн байгууллагаар Мөрөн телевиз зэрэг 11 байгууллагын тугийг нэг жилийн турш тамгын газрын хүндэтгэлийн индэрт залж олон нийтэд сурталчилж байна.