Дархан-Уул аймагт хойд бүсийн аймгуудын Хөдөлмөр нийгмийн түншлэл чуулга уулзалт энэ сарын 13-ны өдөр болно. Дархан-уул аймгийн ЗДТГ, Ажил олгогч эздийн холбоо, Хөдөлмөр, халамж үйлчилгээний газар, Үйлдвэрчний эвлэлийн холбоо зэрэг байгууллагууд хамтран энэхүү чуулга уулзалтыг зохион байгуулах ажээ. Монгол улсын засгийн газраас хөдөлмөрийн салбарт анхаарлаа хандуулж хөдөлмөр нийгмийн салбарын шинэчлэлийг бэхжүүлж нийгмийн түншлэлийн харилцааг боловсронгуй болгох чиглэлээр олон ажил хийгдэж байгаагийн нэг нь хөдөлмөр-нийгмийн түншлэл чуулга уулзалт юм. Бүсчлэлийн хэлбэрээр явагдаж байгаа хойд бүсийн чуулган энэ удаа манай аймагт зохиогдож Сэлэнгэ, Хөвсгөл, Булган, Орхон, Дархан-Уул гэсэн 5-н аймгийн төлөөллүүд оролцож хөдөлмөрийн харилцаа, нийгмийн түншлэлийн чиглэлээр хийгдэх ажил хэрхэн боловсронгуй болгох талаар, орон нутагт хийгдэж байгаа 3 талт хэлэлцээрийн биелэлт оролцогч талуудын хамтын ажиллагааны талаар харилцан санал солилцох юм байна.