Жил бүр уламжлал болон ЕБС-ийн сурагчдын дунд зохион байгуулагддаг "НОГООН ГЭРЭЛ-ЦАГААН ШУГАМ 2017" тэмцээн амжилттай болж өндөрлөлөө.
Энэ жилийн тэмцээнийг аймгийн ИТХ-ын дарга бөгөөд ГХУСАЗСЗ-ын дарга Л.Төмөрбаатарын ивээл дор Хөвсгөл аймаг дахь цагдаагийн газрын замын цагдаагийн тасаг, аймгийн Улаан Загалмайн хороотой хамтран амжилттай зохион байгууллаа.
Энэхүү тэмцээн нь сурагчдын дунд замын хөдөлгөөний дүрмийн талаар мэдлэг олгох, болзошгүй аюул ослоос сэргийлэх, зөв дадал хэвшлийг олгоход чиглэгддэг. Тус тэмцээнд Мөрөн сумын ерөнхий боловсролын 8 сургуулийн сурагчид авхаалж самбаагаа дайчлан өрсөлдсөн бөгөд Эрдмийн далай цогцолбор сургууль тэргүүлэн шилжин явах цом, өргөмжлөл, мөнгөн шагналаар шагнагдсан бол, дэд, гутгаар байруудыг Дэлгэрмөрөн, Авъяас сургуулиуд эзлэн өргөжлөл, мөнгөн шагналын эзэд боллоо. Тэмцээнд оролцсон 100 хүүхдэд ТАЛАРХАЛ, гарын бэлэг гардуулан цаашдын сурлага, урлаг, спортын өндөр амжилт хүслээ.
"НОГООН ГЭРЭЛ-ЦАГААН ШУГАМ 2017" тэмцээнд өндөр ач холбогдол өгч амжилттай оролцсон сургуулийн баг тамирчид, түүнийг бэлтгэж дасгалжуулсан багш хамт олон, хамтран ажилласан бүх байгууллагууддаа баярлалаа.
