Хөвсгөл аймгийнхаа болон Монголын нийт багш нартаа Дэлхийн багш нарын 23, Монголын багш нарын 51 жилийн ойн баярын халуун мэндчилгээг Аймгийн ИТХ, түүний тэргүүлэгчидийн нэрийн өмнөөс болон хувиасаа өргөн дэвшүүлье.
Эрдэм мэдлэг, сэцэн саруул ухааныг Монголчууд бид эртнээс нааш эрхэмлэн дээдэлж ирсэн ард түмэн билээ. Шавийн эрдэм багшаас, зулын гэрэл тосноос хэмээдэгчлэн багш хүний эрдэм чадал, авъяас ухаанаас эх орны ирээдүйг авч явах иргэдийн хөгжил төлөвшил шууд хамаарна. Дэлхий нийтийн хөгжлийн чиг хандлагад бүрнээ нийцэх боловсролыг сургалтын үйл ажиллагаандаа тусган хэрэгжүүлж ажиллана гэдэгт итгэл төгс байна.
Та бүхэндээ баярын мэндийг дахин хүргэж ажил үйлсдээ улам их амжилт гаргахыг хүсэн ерөөе.
Хөвсгөл аймгийн ИТХ-ын дарга Л.Төмөрбаатар
2017.10.05