Аймгийн ИТХ-аас өндөр насны тэтгэвэрт гарсан ахмадуудаа өнөөдөр хүлээн авч хүндэтгэл үзүүллээ. ИТХ-ын нарийн бичгийн даргаар ажиллаж байсан О.Нямдорж, Д.Норовсамбуу, Г.Бөхсуурь, Д.Цогтоо, нягтлан бодогчоор ажиллаж байсан Д.Дамбий, ИТХ-ын дэргэдэх ОНӨА-ны ахлах мэргэжилтнээр ажиллаж байсан Батсуурь нарын 6 ахмад өндөр насны тэтгэвэрт гарсан байдаг. Аймгийн ИТХ-ын нарийн бичгийн дарга Ц.Гончиг болон ажлын албаны хамт олон ахмадуудаа хүлээж авч уулзан  ажиллаж байсан үеийнх нь дурсамж, туршлагаас нь сонсож гарын бэлэг гардууллаа. Нийт ахмадууддаа олон улсын Ахмадын баярын мэнд хүргэж эрүүл энх сайн сайхныг хүсэн ерөөе.