Архангай аймгийн ИТХ-ын дарга Б.Өсөхбаяр тэргүүтэй ИТХ-ын Тэргүүлэгчдийн ажлын албаны ажилтнууд өнөөдөр /2017.09.05/ Дархан-Уул аймгийн ИТХ-ын үйл ажиллагаатай танилцаж туршлага судаллаа.
Хүрэлцэн ирсэн зочдыг аймгийн ИТХ-ын дарга Г.Эрдэнэбат, Тэргүүлэгчдийн нарийн бичгийн дарга Р.Тунгалаг-Эрдэнэ, Иргэний танхимын дарга Д.Гантулга нар Хүндэтгэлийн өргөөнд хүлээн авч уулзан, Хурлын үйл ажиллагаа, бүтэц, зохион байгуулалтын талаар дэлгэрэнгүй танилцууллаа.
Архангай аймгийн ИТХ-ын ажлын албанаас, Дархан-Уул аймгийн ИТХ-ын үйл ажиллагаа бүтэц зохион байгуулалт, түүнээс ажилд хэрэгжүүлэх саналыг тусган авч, ажлын бүтээмжийг дээшлүүлэн ажиллахаар төлөвлөж байгаа юм. Мөн цаашид 2 аймгийн ИТХ-ын хамтын ажиллагааны талаар харилцан санал солилцсон юм.
