Арбулаг сумын Бор гол багийн Сонгинотын өвөрт зохиолч, яруу найрагч Д.Амгалангийн үр хүүхдүүд нь аавынхаа зохиосон “Насны намар” дууны хөшөө босгосон байна. Зохиолч агсан Д.Амгалан уг дууныхаа шүлгийг уулзаж амжилгүй бурхны оронд одсон ээждээ зориулан бичиж байжээ.
Зохиолч агсан Д.Амгалангийн үр хүүхдүүд аавынхаа төрсөн газар Сонгинотод зохиосон дууных нь хөшөөг босгохдоо дуу төрсөн түүхийг танилцуулжээ.
Мөнх бусын хорвоод бүтээл, ном хоёр үр хойчид дамжин мөнхөд үлддэгийг “Насны намар” дууны үг ойлгуулж, ухааруулж чадсан шилдэг бүтээл гэдгийг хэн бүхэн хүлээн зөвшөөрөх биз ээ.
Энэ үеэр Д.Амгалангийн охин А.Түмэннасан “Аав охины дуулал” номоо төрөл төрөгсөд хүрэлцэн ирсэн хүмүүст өргөн барьсан байна.