2017 оны 7 дугаар сарын нэгнээс хэрэгжиж эхэлсэн эрх зүйн шинэтгэлийн хүрээнд прокурорын байгууллагын тухай хууль шинэчлэгдэн Прокурорын тухай хууль болон өөрчлөгдсөн. Уг хуулийн Шинэчилсэн найруулгын хүрээнд өнөөдөр /2017.07.03/ орон даяар прокурорууд тангараг өргөж байна. Манай аймгийн хэмжээнд 12 прокурор ажил үүргээ гүйцэтгэж байгаа бөгөөд Прокурорын тухай хуулийн шинэчилсэн найруулгын хүрээнд тангаргаа өргөлөө. Хууль зүйн болон практик шаардлагуудыг үндэслэн прокурорын байгууллагын үйл ажиллагааны үндсэн зарчим, Эрүүгийн эрх зүйн шинэтгэлийн хүрээнд Улсын Их Хуралд өргөн мэдүүлсэн эрүүгийн хууль тогтоомжийн төслүүдтэй уялдуулан, прокурорын байгууллагын харилцааг зохицуулж байгаа хууль тогтоомжийг харьцуулан дүгнэж, үйл ажиллагааны хариуцлагатай байдлыг хангах, бусад байгууллагатай хамтран ажиллах эрх зүйн үндсийг бий болгох, прокурор үүргээ гүйцэтгэх нөхцөл баталгааг дээшлүүлэх, албан үүргээ биелүүлээгүй тохиолдолд хүлээлгэх хариуцлагын тогтолцоо зэргийг тодорхой зохицуулсан Прокурорын тухай хуулийн төслийг шинэчлэн боловсруулсан бөгөөд энэ сарын нэгнээс албан ёсоор хэрэгжиж эхлээд байгаа юм.