Мөрөн сумын иргэдийн өмнө тулгамдсан асуудал  золбин нохой болоод байна. Он гарсаар 65 хүн нохойд хазуулж эмнэлэгт ханджээ. Гэвч иргэд нохойгоо хуульд заасан цагт уяахгүй байж байгаад ажлаа хийж яваа иргэд хазуулж хохирсоор байна. Ялангуяа эрчим хүчний байцаагч, судалгаа мэдээлэлд явж байгаа иргэд, сургуулийн сурагчид нохойд хазуулсан нь бүртгэгджээ. Сүүлийн өдрүүдэд Хөвсгөл аймгийн Зоонозын өвчин судлалын төвд өдөрт 5 хүн нохойд хазуулсан нь бүртгэгдэж вакцин хийлгэж байгаа гэнэ. Иймээс иргэдэд өөрийн тэжээвэр нохойгоо уяахгүй орхисны улмаас гарч буй хохирол, ямар хуулийн хариуцлага хүлээлэгдэг болохыг сурталчлан таниулах шаардлагатай байгаа ажээ.