Өнөөдөр аймгийн төв номын санд Америкийн соёл мэдээллийн төвийн нээлт боллоо. Тус төвийн нээлтэнд Аймгийн ИТХ-ын дарга Э.Насанбат, аймгийн Засаг дарга Д.Батсайхан тэргүүтэй аймгийн удирдлагууд, АНУ-ын элчин сайд Женифер Зимдал бусад албаны хүмүүс, Цогцолбор 2-р сургуулийн Б.Төгсбаяр багштай үлээвэр хөгжмийн хамтлаг, Б.Алтанбилэг багштай 12-г ангийн хамт олон болон Цогцолбор 1, 2-р сургуулийн багш сурагчид оролцлоо.

Сурагчид англи хэлээр мэндчилгээ дэвшүүлж, ая дуугаа өргөн барьсан бол МУУГЗ Э.Цэрэвийн нэрэжит Ойрад ХЖТ-ын уран бүтээлчид язгуур урлагийн тоглолтоо толилууллаа. Өмнө нь Улаанбаатар, Ховд хотод тус төв нээлтээ хийн үйл ажиллагаагаа явуулж байсан бол Монгол улсдаа 3 дахь нь болж манай аймагт ийнхүү нээлтээ хийж байна.

Америкийн соёл мэдээллийн төв байгуулагдсанаар:

- Төрөл бүрийн салбар шинэлэх ухааны ном, материал ашиглах

- АНУ-ын сонин, сэтгүүл унших

- “Америкийн тухай ярилцъя” цуврал лекцэд оролцох

- “Кино үдэш” арга хэмжээнд оролцох

- DVC (Digital Video Conference) - д оролцох

- Америкийн тухай DVD, видео кино, зурагтын нэвтрүүлэг үзэх

- Соёлын болон төрөл бүрийн олон нийтийн арга хэмжээндүүдэд хамрагдах

- АНУ-ын тухай мэдээллийг өөрийн сонголтоор үзэж сонирхох

- Англи хэл сурах, үгийн сангаа дээшлүүлэх

- Америкийн тухай мэдлэг олж авах сонирхолтой тоглоом тоглох зэрэг ач холбогдолтой юм.