Аймгийн ЗДТГ, БСУГ, Ахмад багш нарын холбоо хамтран боловсролын
салбарын ахмад багш нарын "Багшийн ачийг дуулъяа" дурсамж хүндэтгэлийн
уулзалтыг 2 дахь удаагаа зохион байгууллаа. Хүндэтгэлийн уулзалтанд
ЕБС-ийн 11 сургуулийн захирлууд болон 90 ахмад багш хүрэлцэн ирснээс,
хамгийн ахмад багш нь 88 настай Ж.Гун-Аасүрэн гуай байлаа. Аймгийн
удирдлагууд болон байгууллагуудын төлөөлөлүүд ахмад багш нартаа
хүндэтгэл үзүүлэн, талархал илэрхийлж,
багш нарынхаа тухай дурсамж ярианаас хуваалцсан юм. Мөн зарим ахмад
багш нарыг шагнаж урамшууллаа. Тухайлбал Аймгийн Засаг даргын "Жуух
бичиг"-ээр Ж.Чойжилсүрэн, Б.Тунгалаг, Я.Энхжаргал, "Баярын бичиг"-ээр
Т.Батбаяр, Аймгийн "Тэргүүний ажилтан" тэмдгээр Б.Одсүрэн, нар тус тус
шагнагдлаа. Уулзалтын төгсгөлд хүрэлцэн ирсэн ахмадуудад аймгийн Засаг
дарга Л.Ганболд гарын бэлэг гардуулан өглөө